Aw hmangaihna khawvel entu
Lettu: Zawngauva
Doh is E♭

Aw hmangaihna, khawvel Entu,
Kalvari tlang thing kraws chungah
Ka Lalpan a thlen chu,
Ka ngaihtuahin a va hlu em!
Thihna rapthlak ka tan tuarin,
Thisen hlu a luantir (2)

Khawngaihnaa khatin a tuar,
Lungngaih, thlaphan, hremhmun a ta
Min rawn tlan chhuak leh ta;
A felna zara nun nuama
Ka thla vanrama leng tur ch u
Ka fak ning thei lo vang. (2)

He khawvel tawpah a tlante,
A vanram nuamah lungrualin,
Kan la intawk khawm ang;
Chutah lungngaih, thlaphannate,
Hrehawm, buainate a ral ang,
Tlantu kan lal hmaah. (2)

Ni lawmawm a lo thleng thuai ang,
Kan Lalpain min hruai hunah,
A hmel mawi ka hmu ang;
Ka chhandamtu duh tak nen chuan,
Chatuan malsawmnaa lengin,
Ka fak tawp thei lo vang. (2)


   Facebook      Twitter    :    Views(7104)