Phat chesa chu apamai ngeiye aw pakai
HILTHEI INGEM PAKAI
HILTHEI ING'EM PAKAI
194
1. Phat chesa chu apamai ngeiye aw Pakai,
Nalungsetna jal'in koukit thei ing'em?
Koukit theilou kacha phat chesa chu,
Lungset kiphon jal'a chu hoiya na um'em?
Hil thei ing'em Pakai,
Hil ngam ing'em Pathen;
Diabol manchah lupen chu,
Kei kahilou ham?
2. Bethlehem sochatna dah ging chu ham nasei,
Calvary lhatna dah gin ham Pa nasei;
Ahi kacha lungset um milengvaipa,
Vannoi set nopna hi nadou jou jeh-in.
3. Vannoi set nopnan eichimkhum jeng tajongle,
Nachate set lungheina chu ngaidamji Pa;
Ngaidam ji-e, kacha lengvai lungset umpa,
Ka lhamonna khut hi tuh-in cha lungset um.
4. Nakhut jet ham Pakai naveilam ham?
Hintuh jeng tang kate naveilam hijongle;
Katuhna ding khut chu kajetlam hinte,
Kalhentum nakhut thengtah chu tuh jing jengin.
