Gethsemani hona pakai jesu chu ataove
LUNGDON MEI AJING
2LUNGDON MEI AJING
1. Gethsemani hon'a Pakai Jesu chu ataove,
Mipi ahung kikhom i-Pakai chu man din;
Achung thu lel dan chu athem pouve,
Thempu lal insunga athalou som'un.
Lungdon mei ajing, (2)
I-Pakai ahungbom Calvary lhang chunga;
Ling lukhuh le sapsetna thing Cross pun,
Abel ding umtalou i-Pakai Jesu.
2. Aw Simon Peter le solchah lungdongte hungthouvun,
Ipu chu akaiyun athina ding mun'a,
Van'a hung kumlhan van Lal genthei chu,
Alungdon nem dingin koima um talou.
3. Iti vetlel umtam i-Pakai Jordan kai ding chu,
Atha ahung nguiyin Alu chu akaikun;
Alhagao alhan thimpi ajingin,
Set le dougal jouvin Jordan lui akai.
4. Noiya le van chunga thupha ahil Lhandampu chun,
Atha ding agouvin aw Zion nunao ten,
Aphatlai ni chu nasumil tauve,
Nanopnau hilou ham nadamnau Pa chu.
