Malaiyin pathenin abraham chu
Doh is B♭
478. MALAIYIN PATHENIN ABRAHAM CHU (Hopsom la)
Doh is B flat (Heb. 11:17)
1. Malaiyin Pathen'in Abraham chu,
Ana patep min atahsan na;
Achapa neisun Isaac athum peh-e,
Abraham din phatthei chan na ahitai.
Na tahsan chu natoh-in mi vetsah in,
Pakai kipah inte;
Nang le kei jeh in min Pakai amu thei poi,
Nachon na in phonglen lang;
Natoh-in vetsah le chun,
Nathusei miten hethei tante.
2. Vo sopi Pakai natahsan nah em?
Nahuhhing nakihet chet hinam?
Nitin adei lam bol'a napan hinam?
Phochen'in lang gangtah in ngaito loiyin.
3. Nei le gou Pakai dia naphal hinam?
Sum le pai idia na it ji ham?
Abraham gel'in pedoh jeng'in sopi,
Nang jong phattheina seijoulou nachan ding.
4. Vo sopi nikho le phat ong jouse,
Nangma din nitin nahomtho jing;
Nahuhhing Pakai din phat nanei jipoi,
Natahsan le hangtah in kiphal jeng'in.
