Michonse teho kitha na calvary cross
Doh is C
474. MICHONSE TE HO KITHANA. (At Calvary)
Doh is C. (Luke 23:44)
1. Michonsete ho kithana Calvary Cross,
Chu a chun ka Pakai akhaiyun ;
Melma simjou loute chun themmo achan'un,
Chonse kei ding'a hinna ahi.
Vanlal leng Pakai ahi,
Leiya genthei tintang thohpa chu ;
Melmate chun thing'a khaisang jong leu,
Michonse keima eilhatna ahi.
2. Angailut numeite chun Ama ajuiyun,
Aloiten vang adalha taove ;
Jerusalem chanute nangho din kap'un,
Namtin din kahin na ka petai.
3. O ka Pakai thinin van lung angui jeng tai,
Nisan jong avah pe ngam louvin ;
Thimpi ahung jing'in lingpi akihot'e,
Chonse kei ding'a Pakai thinin.
4. Ana ngeiye Pakai keidia na thohna chu,
Chonse keidin nahin na napei ;
Nei lungsetna sajoulou kahinlai khankhon,
Ka hinna nangdin kapei Pakai.
