Tunin kumlui abeisoh tai
Doh is A
183. TUNIN KUMLUI ABEISOH TAI
Doh is A.
1. Tunin kumlui abeisoh tai,
Kumthah ahung lhung tai ;
Taovu hite Pathen heng'a,
I chonset beina din. (2 vei)
2. Kumlui hitia chemang bang chun,
Akem'e ihinkho ;
Akem jing'e aniseh-in,
Akem mang loiji tai. (2 vei)
3. Hijeh chun sopite hung'un,
Pathen naiyu hite ;
Ama jeng'a chu kinem'in,
Tonsot hin jingna din. (2 vei)
4. Hiche kumthah hung lhun bang'in,
Thah hen ilung'u jong ;
Aga phat apun theina din,
Kihabol'u hite. (2 vei)
5. Vo Pathen Nang ka tahsan na,
Khang hen aniseh-in ;
Ka kinepnau hin khan sah-in,
Det hen thihhat aiyin. (2 vei)
