Kawlva len chham kar dana mi
1. Kâwlva lên chham kâr dana mi,
Lalpan min hruai vangin;
Kan nghahhlelh ber inkhawmpui chu,
Hlimin kan hmang zo ta.
Tawn leh ni tûr ka nghakhlel hle,
Chung Pathian min vêng tawn zêl rawh se;
Lal Isua tana hun hmang chung zêlin,
Dam takin aw mangṭha, kan intawh leh hma zawng.
2. Ṭhenna tûr ni a lo her chhuak,
Thin lai a ṭhâwng ngei mai;
Luaithlipui nûl a zâm vêl e,
Lungduh ṭhen nî chuanin.
3. Lenrual lungduh kan hlim lai ni,
Nghilh nî a awm dawn lo;
Krista zâra tawh leh hma zawng,
Dam takin aw, mangṭha.
4. Hun thar nghâkin ka liam tâng e,
Hmangaih lenrualte u;
Vân Lal ruaipui han ṭheh za chu,
Kan kham thei dâwn nêm maw.
5. In vangkhawpui in thlen thlengin,
Ṭhahnemngai leh zualin;
Vân Lal rûn nuam in thlen hma zawng,
Lal tân in hmang zo rawh.
