1. Ngaihzawng an liam zo ve,
Dam lai khawvêl an pêl;
Fam khua an thleng ta e,
A ngaiin kan ṭap e.
Aw, keini min ngai ang maw,
Zamual an liam ta e;
Duhlêngte zawng zawng,
Tawn lai ka nuam mang e.
2. Lungngaih chhûm ang zîng e,
Kian nî a nei dawn lo;
Vangkhua a ngui zo ta,
Tuar a har kher mang e.
3. Nuamin an lêng emaw,
Ṭapin an nuar emaw;
A riang fam ngaih chu e,
Nuih zai kan rêl lo ve.
4. Kan ṭah nan ram zau ve,
Tuarah vânpui a chim;
Ngaih aw, lo kir ula,
Ṭah lai kan bâng ang e.
5. Aw, luaithli nûl ila,
Ṭapin au zêl ila;
Vân khua an zawng ta e,
Thinlai a riang mang e.
Aw, ṭhen lohna ram nuamah,
Duhte'n tual an lêng e;
Kan thlen ve hun chuan,
Lâwmin kan lêng hmun ang.