Ka thlir changin ka ngai zual thin
1. Ka thlîr chângin ka ngai zual ṭhin,
Lal hmangaih vân Jerusalem thar khi;
Lungngaih buaina a awm tawh lo'ng,
Zân thim lungngaihna nên.
Aw, ka châk êm, khawpui chul lo,
A buatsaih vân Jerusalem thar khi;
Hmangaihte fak zai vâwr chuan,
Chatuanin an ning lo vang.
2. Ka chênna ram khawvêlah hian,
Ka rawn zawng che hmangaih, ka chhandamtu;
Sual leh lungngaihna tuar chungin,
Chatuan chawlhna ka zawng.
3. Kan la châwl ang khawpui mawiah,
Kalvari tlang thing ânchhedawng chungah;
Lal Krista tuar avângin,
Chatuan ram a lo lang.
4. Rawn chhun êng rawh hmangaihna chuan,
Sual thihna thim hnuaia ṭhute hi;
Chatuan nunna kawng hre lo va,
Thihnaa boral turte.
