MizoLyrics.Com Mizo Lyrics - Aw ka thinlung awm khawhar leh

Aw ka thinlung awm khawhar leh
Phuahtu: Patea

1. Aw, ka thinlung awm khawhar leh,

Lungngaih fâwn vêlin;

Lo kîr leh la, chawi lai pâr ang,

Vul leh ang che, aw mual liam suh.

Aw, hnutiang mual liam ngaih ni a zual leh ṭhin,

Kan lungduhte vân sâng karah;

Angel vâr nen tual an lêng e.

2. Zai tin ka chhiar suihlung lêng a,

Mual tin hawi vêlin;

Ka tuai duh lai ka nau riang tê,

Chhâm ang i zâlna khawiah nge?

3. Chhûng kim lenrual zaten nau ang-

Kan nuih lai zawng zawng;

Dâwn chang ni hian tuar har kan ti,

Khua romei ang a zâm ral ta.

4. Biak theih chang se, a zua rûn rem,

Thangvân sangah khian;

An Chhandamtu thla zâr hnuaiah,

Ngai ve ang maw a chûn chawitu?

5. Khua a lo vâr leh ang Lalpa,

Ka au zêl ang che;

Fam ngaih awmhar suihlung rual a,

Kan lên hun tur aw ka nghakhlel.

:

Patea Hlate

Mizo Lyrics Available at