Aw khawngaihna min thlah lotu
Lettu: Rev. D.E. Jones
1. Aw, khawngaihna min thlah lotu,
Nangmahah ka thla chau a châwl;
Ka pe kir che ka nun bat chu,
Tin, i thûknaah a luang ang;
Ngahin a khat zual ang.
2. Aw êng, ram tina min êntu,
Ka meichher chuai hi ka pe che;
Ka êng pûk chu ka rûl leh che,
Tin, i ni êngah ka awm ang;
A êng lehzual fo vang.
3. Aw lâwmna, tuara min zawngtu,
Thinlung ka khâr hnan lo vang che;
Khawdura chhimbâl zâm angin,
Hrehawmin i thutiam ka hria;
Ṭah loh tûk a ni ang.
4. Aw kraws, nang, kei mi chawisângtu,
Ka tlânsan ngam tawp lo vang che;
Ka phûm ang, dam lai ropuina,
Lei pangpâr a ṭo chhuak ang chu;
Kumkhaw nun a ni ang.
