MizoLyrics.Com Mizo Lyrics - Ka dawn kaisar pilata

Ka dawn kaisar pilata
Phuahtu: Laithangpuia

1. Ka dâwn Kaisar, Pilata,

Ngûr tin chhîng suihlung mâwlin;

Ainawn pâr ka Lal, Vârparh Arsi chu,

Tlângza rêl virthli iangin a rawn nuai vêl a.

2. Ka han en, a mi hluanin,

Tiangin maw amah an vuak;

Zual zâwkin tihelna hling lukhum nên,

Thing rihnîm iangin Lal Nunnêm a uai hning hniang.

3. Golgotha a lo thleng ta,

A ṭawngkam ka ngai ngam lo;

Kraws lêrah riakmâw iangin a vai e,

'Ka tui a hâl' a tih chu rauthla lêng auvin.

4. Thangvân rial rûm a iang e,

Mual-lam tûr a iang mang e;

Khuang chung chuang ni ta si lo, min run e,

Vân Lal nau sâr-lam ni maw thla a zuk fam chu.

5. Chung lama a Pa thu nge,

Vân Lal nau ama thu nge?

Rih tlâng a liam a, fam khua a pan ta,

Zawlnei biahthu a lo thleng nun kawng siamtua'n.

6. Piallei aṭangin a tho,

Thlâwkin vân a thleng ta a;

Chung Pathian ruatin thangvân min thlen a,

Saisên nau angin min awm la, ka tlei nâng e.

7. Cho rual loh, i zua rûnah,

I kutin mi hruai kai la;

Min din thar la, i tual min lêntîr la,

Kulva thlehhniar nun iangin duh te'n leng nâng e.

:

Laithangpuia Hlate

Mizo Lyrics Available at