Lal Isua hnenah tlang thawvengah ka kal ang
Lettu: Rev. D.E. Jones
1. Lal Isua hnênah tlâng thawvengah ka kal ang,
Khawiah pawh tuihna a awm leh ni ênnaah;
Khaw tinah min hruai pawhin ka zui zêl fo vang a,
A kalnaah vân chung thlengin ka kal ang.
Zui rawh, zui rawh, kei pawh ka zui ve ang,
Khawiah pawh ram tinah ka zui zêl ang a.
2. Tidamtu hnênah lui dungah ka zuk kal a,
Khawiah pawh thlipui tleh leh ruahpui sûr sela;
Ama'n min hruai leh min vên chuan ka hlau tawp lo vang,
Lalpa kiangah awm ila ka muang fo vang.
3. Lui kawrah leh kawng hrehawmah kal mah ila,
Tidamtuin ka thlarau a vawng fo vang a;
Ama kalnaah him takin min hruai zêl ang a,
Vân ramah an inkhâwmnaah min hruai ang.
