Pathianin min hmangaihna a ropui e
Lettu: Rev. D.E. Jones
1. Pathianin min hmangaihna a ropui e,
Mi rethei nung tlâk lo mal min sâwm fo ṭhîn;
Sual ngaihhnathiamna leh lungmuanna min pe,
Sual zawng zawng hneh tûrin min pui thei ang e.
2. Tui zawng zawngin ka sualna a tlêng thei lo,
Ran tam tak thisenin min tlan thei hek lo;
Lal Isua thisen hlu kan thawina a ni,
Kan sual zawng zawng na lovin min tidam thei.
3. Khawvêl Tlantu hnênah kumkhaw ropuina,
Lei leh vân mi zawng zawngin i pe ang u;
Ama'n min tihdam avangin ka lâwm a,
Kumkhuain mi tinin i chawimawi ang u.
4. Tûn apangin Chanchin Ṭha a lo thleng ta,
Khaw Entu a chhuak ta, Amah kan hmu ta;
Ram tin ata hnam tin an lo kal ang a,
Vân Lal hi fakin an lâwm êm êm ang a.
