Ka chhandamtu ka zui ang che
Lettu: Pastor Thangkhuma
Doh is A♭
1.Ka Chhandamtu, ka zui ang che,
Min hruaina hmun apiangan;
I kalna hmunah kal zelin,
Aw Lalpa, ka zui ang che.
Ka Chhandamtu, ka zui ang che,
Ka tana i thih vangin;
Miten Nang phatsan ṭhin mahse,
Min pui rawh, ka zui ang che.
2.Kawng hrehawm leh hling karah pawh,
Tuifawn kar pawh ni mahse;
Ka hmaah Nangin i zawh a,
Hlim takin ka zui ang che.
3.Miten min tiduhdah mahse,
Thlemnate tawk mah ila;
Nangin i lo tawk vek tawh a,
Lawm takin ka zui ang che.
4.Hreawmah pawh min hruai mah la,
Retheihna, thlaphanna te,
Nangin i lo tuar vek tawh a,
I sulhnu ka zui ang e.
5.Thihna Jordan tuifawn karah,
Thuk leh vawt hle mahsela;
Nangin i lo daikaitawh a,
Hlau lovin ka zui ang che.
