I rinawm ang Isua a lo kal thuai dawn
Lettu: Pastor Thangkhuma
Doh is G
1.I rinawm ang, Isua a lo kal thuai dawn,
Rei tak kan lo nghah reng tawh kha;
Kan han lut thuai ang van in ropuiah chuan,
Hnehna hla kan sa rual tawh ang.
Aw, unau, i rinawm ang engvangin nge,
Rinawm lovin kan phatsan ang,
Min hmangaihna ropui sawi sen loh vanga,
Kan tan thi a, min tlantu kha?
2.I rinawm ang, kan tan a buatsaih khawpui,
Rangkachak kawtthler mawi nei chu;
A lunghlu kawngkhar hawn a la ni thuai dawn,
Chawlhna nuam a min lawm luh nan.
Aw, unau, i rinawm ang kan nghak rei lo’ng,
He leiah ngui leh khaw harin;
Lungchhiatna zan thim hi a lo ral thuai ang,
Zing eng ropui kan hnaih tawh hi.
3.I rinawm ang, Lalber a lo kal thuai dawn,
Siamtu, Engkimtitheia kha;
Chhiar sen loh angel var nen a lo kal ang,
Hnehtute lawmman pe turin;
Aw, unau i rinawm ang kan hre thuai dawn,
Chhandamtu au thawm lawmawm chu;
“Bawih rinawm tiṭha, i lawmman a chiang e,
I Lalpa lawmnaah lut rawh:
4.I rinawm ang, chatuan huna kan chan tur,
Tuna rinawmnain a rel;
Lawmna hmelin mittui a luahlan hunin,
Lallukhum mawi kan khum ang a;
Aw, unau i rinawm ang thutiam a chiang,
Fiahna rinawma tuarte tan;
Chatuan ramah tlan sate chu rorelin,
Lalpa nen an leng reng tawh ang.
