Lalpa nen leng zain a thu ennaah chuan
Doh is F
1.Lalpa nen leng zain, A thu ennaah chuan;
A va hlu em! kan kawng a en chu,
A duhzawng kan tihin, kan hnenah a awm ṭhin;
Amah ring leh awitute hnenah.
Ring la, awi rawh, kawng dang a awm lo ve;
Isua hnena hlimna chu, rin leh awih hi a ni.
2.Lungngaihna a awm lo, Buaina a awm tawh lo;
A hmela lawmna awm chuan min hnem,
Hlauhna a awm tawh lo; mittui tlak a awm lo’ng;
Amah ring leh awitute zawng chu.
3.Kan phurrit a bo ta, kan lungngai tawh lova;
Kan thawhrim hausak nan a chan tir,
Lungngaihna a bo va; manganna kan pel a,
Kan rin chuan malsawm sakna kan hmu.
4.Fiah theihna kan nei lo, a hmangaihna kan lawm,
Kan awmna a tih danglam thlengin,
A duhawmzia kan hmu; hlimnain a siam ṭha,
Amah ring leh awitute zawng chu.
5.A hmangaih thu erawh, awin ka hril seng lo’ng;
Maicham bul a kan thlen vek hma chuan,
A hmangaihnate leh, hlimna min pekte hi,
Amah ring leh awitute hnenah.
