I thil tha ber Lalpa pe la
Lettu: Lalawia, Pastor Thangkhuma
Doh is E♭
1.I thil ṭha ber Lalpa pe la,
I vanglai chakna zawng nen;
Thutak ṭana ral do turin,
I ṭhat lai hun zawng hmang rawh.
Isuan min pe nun entawn tur,
Zam ngai lo nun huaisen chu;
I rinawmna zawng zawng pe la,
I thil neih ṭha ber hlan rawh.
I thil ṭha ber Lalpa pe la,
I vanglai chakna zawng nen;
Chhandamna ralthuam inbelin,
Thutak ṭanin bei ve rawh.
2.I thil ṭha ber Lalpa pe la,
I thinlung chhungril ber kha;
A rawngbawl ngaipawimawh berin,
A hman atan inhlan rawh.
Pathianin a Fa mal min pe,
Pe ve la, pek i ni ang;
Lawm chungin ama rawngbawl la,
I thil neih ṭha ber hlan rawh.
3.I thil ṭha ber Lalpa pe la,
A hmangaih phu dang awm lo;
A ropuina zawng kalsanin,
Nangmah tlan nan A inpe.
Sual laka tlan chhuak tur chein,
A nun a hlan phun lovin;
Thinlung zawng zawngin chawimawi la,
I thil neih ṭha ber hlan rawh.
