Ni tin zan tinin chakna thar ka hmu
Lettu: Lalawia, Pastor Thangkhuma
Doh is D
1.Ni tin, zan tinin chakna thar ka hmu,
He khawvel fiahna hneh zel turin;
Kan Pa vana mi thilthlawnpek ringin,
Hlauhna leh lungkham zawng zawng a bo;
A zahngaihna mak chui sen rual loh chuan,
Ka mamawh dan ang zelin min hruai;
A nuamah emaw, hrehawmah emaw,
Thawh leh chawlh nachang hriain.
2.Lalpa chu ni tin ka kiangah a awm,
Chhun ni tin zahngaihnain min vur;
Ka buaina la kiangin min tihlim ṭhin;
A hming, Roreltu engkimtithei,
A mite tan himna kulhpui nghet chu,
Amah ngei chuan an tan a siam tawh;
“A ṭul angin chakna i hmu zel ang” tiin,
Lal Isuan min tiam.
3.Harsatna karah min pui rawh, Lalpa,
I thutiam nghet chu ka rin theih nan;
Ka rinna tinghet zel ang che Lalpa.
I thu thianghlimin min tinghet la;
Buai leh thawhrimna ten min hual mahse;
Lalpa, I thu ang ni zel rawh se;
Hun leh ni te an kiam zawh vek hunin,
I ramah min hruai ang che.
