Aw himna lungpui kei aia sang zawk chu
Lettu: Pastor Thangkhuma
Doh is E♭
1.Aw himna Lungpui kei aia sang zawk chu,
Ka thinlung buai leh lungngai hian a bel ang;
Suala khat leh chau tak hi I ta ka ni,
Chatuan Lungpui, nang panin ka rawn bel che.
Ka rawn bel che, ka rawn bel che,
Aw Nang Chatuan Lungpui, ka rawn bel a che.
2.Chhun lai ralmuanga awm lai leh khawhar changin,
Thlemnaten ka nun an chimbuai lai te hian;
Dam lai tuipui fawn leh thlipui karah pawh,
Chatuan Lungpui, Nang panin ka rawn bel che.
3.Hmelma ten min nekchep fo thin lai pawhin,
Ka himna Lungpui lamah ka tlan ṭhin a;
Fiahna tuifinriat fawnin min nuai pawhin,
Nang ka bel ṭhin che Aw ka nunna Lungpui.
