Tawngtai hun lawmawm tak a awm
Doh is C
1.Ṭawngṭai hun lawmawm tak a awm,
Lei hrehawmna hual vel laiin;
Chutin kan Pa ṭhuthleng hmaah,
Ka tlakchham leh duh ka thlen a;
Lungngaih thlaphanna lo lenin,
Ka thlarau chawlhna hlu a ni;
Thlemnate do thei hram turin,
Ṭawngṭai hun lawmawm ka ngai e.
2.Aw ṭawngṭai hun lawmawm tak hian,
Ka dilnate chawi kang zelin;
Rinawmna leh thu tak hmang a,
Thlarau malsawmtu hnen a thlen;
Tin, min lo sawm, amah hmu a,
A thuawih, amah ring turin;
Chutin ka buaina zawng ka pe,
Ṭawngṭai hun lawmawm takah chuan.
3.Aw ṭawngṭai hun lawmawmah hian,
Lalpa muanna ṭawmpui ka duh;
Pisga tlang sang ka lo thleng a,
Ka in thlira, ka pan thlengin;
Chutah van taksa chu neiin,
Chatuan lawmman ka dawng ang a;
Tin, chu hmun ka thlen hunah chuan,
Ṭawngṭai hun hi ka ngai lo vang.
