Thian duhawm tak mai ka nei
Lettu: Pastor Thangkhuma
Doh is F
1.Ṭhian duhawm tak mai ka nei,
Ka tana hlu tak chu;
Min hmangaihna ropui vangin,
Thlamuangin ka hlim ṭhin;
A tel lovin ka nung thei lo,
Hnaih reng fo ka duh a,
Chutin ka Lalpa nen chuan
Kan leng duh ṭhin.
2.A changin ka lo chau ṭhin,
Chak lo tak ka ni si;
Mahse, ṭanpui ka ngaih veleh
Ani’n min ṭanpui ṭhin;
Kawng ni eng mawi tak lamah chuan
Hruaiin min kalpui a,
Chutin ka Lalpa nen chuan
Kan kal dun ṭhin.
3.Ka lungngaihna ka hrilh ṭhin;
Hlimna ka neih te pawh;
Lawmna, vuina thuruk zawng nen,
Ani’n min lo ngaithla;
Tin, rem min lo ruatpui ṭhin a,
Min hriattir tih tur ṭha;
Chutin ka Lalpa nen chuan
Kan inkawm ṭhin.
4.Thlarau chaute zawng chhuakin,
A hnen hruai thlen ka duh;
A hmangaihna thu puang turin,
Kal turin mi sawm a;
Thi tura a lo kal chhan ber
Hmangaihna ropui nen;
Chutin ka Lalpa nen chuan
Kan thawk duh ṭhin.
