Aw hlimna leh chawlhna ni
Doh is E♭
1.Aw hlimna leh chawlhna ni,
Enna leh lawmna hun;
Lungngaih mangan damna ni,
Mawina engin a chhun;
Mi lian, mi te, he ni hian,
Chawimawina hla an sa;
Lalṭhuthleng hmaah kunin
Chatuan Pa an fak a.
2.Kan vel thlipui tleh laiin,
Himna hmun, lawng chawlhna;
Huan mawi tak i ni bawk si;
Paradis lui luanna;
Tuikhur vawt nuam chu i ni,
Dam chhung thlaler hmunah;
Pisga tlang hmingthang angin,
Ramtiam kan thlir ve na.
3.Hmangaih nunna chhuahtira,
Rawngbawlna ni i ni;
Khawvel aṭanga vana,
Thinlung hlan chhohna ni;
Vanah chatuan in nuama,
Kan la chawlh theihna tur;
Lalpan he chawlh niah hian,
Malsawmna min lo vur.
