Engkim kal sana kraws puin
Lettu: Lalawia, Pastor Thangkhuma
Doh is A
1.Engkim kal sana kraws puin,
Isu ka zui zel ang che;
Khawvel mawina ka hnuchhawn e,
Nangmah chauh hi hmachhuanin.
Lawmna ka lo zawn ve ṭhin te,
Hnawmhne mai an chang zo ta;
Lal Isua ta ka nih chinah,
Hausakna zawng zawng ka ta.
2.Lei ṭhianten min hmu sit ṭhinin,
Chhandamtu phatsan mahse;
Miten min kalsan mahse la,
Ka hnenah i awm reng si.
Min hmangaihzia ka hriat veleh,
Khawvel phurrit a lum bo;
I hmangaihna tel lo zawngin,
Engkim an lo thim vek ang.
3.Aw nang, thlarau riang vakvai hnu,
I tlanna kim chu en rawh;
Sual, mangan, hlauhna kalsanin,
Isua hnen lam rawn pan rawh.
Thlarauvin a awmpui ang che,
Pa hmel eng i ta a ni;
Tlan tur chein Isua a thi,
I phunnawi thei dawn em ni.
4.Rinna ralthuam chu inbelin,
Ṭawngṭaina hlan chung zelin;
Khawngaihna ata ropuina
Chang turin a pui ang che.
I thawhrimna leh khualzin kawng,
A lo tawp thuai dawn si a;
Beiseina lawmnaa changin,
Rin leh dil chu i hmu ang.
