Pathian thlarau ka thinlungah cheng la
Lettu: Lalawia
Doh is B♭
1.Pathian Thlarau, ka thinlungah cheng la,
I duh ang takin min rawn siam ang che;
Ka chak lohnate min rawn hriatpui la,
Nangmah hmangaih turin min siam ang che.
2.Zawlnei thiltihtheihna ka dil lo ve,
Van ata lo chhuk angel ka dil lo,
He lei in hi ṭhiat turin ka dil lo,
Ka thlarau thimna erawh tikiang la.
3.Nang hmangaih ka duh, ka Lal leh Pathian,
Ka taksa, rilru leh thlarau i ta,
I kraws bul chu vuanin ka rawn bel che;
I khawngaih hmel duhawm min hmuhtir rawh.
4.Ka kianga i hnaih rengzia min hrilh la,
Harsatna hmachhawn dan min zirtir rawh;
Dawhtheih lohna leh beidawn tibo la,
Beidawng lova ṭawngṭai min zirtir rawh.
5.Angelte angin nang hmangaih ka duh,
Duhdan thianghlimin min tikhat ang che,
I Thlarau baptisma min chantir la,
Thinlung maichamah hian lo alh rawh se.
