Isua chanchin chu min hrilh rawh
Doh is D
1.Isua chanchin chu min hrilh rawh,
Thinlungah min ziaksak la,
Chanchin hlu ber chu min hrilh rawh,
Thil hriata duhawm ber chu.
Angelten A pianna lawma,
An hla rem chu min hrilh rawh;
“Chungnungberah ropui rawh se,
Leiah rem leng se,” tiin.
Isua chanchin chu min hrilh rawh,
Thinlungah min ziak sak la;
Chanchin hlu ber chu min hrilh rawh,
Thil hriata duhawm ber chu.
2.Thlaler hrehawm hmun khawhara
Ril ṭam a tuar nite kha,
Kan sual vanga thlemna a tawh,
A hnehna thu min hrilh rawh.
A rawngbawl lai hun min hrilh rawh,
Lungngaih a tuarziate pawh;
Hmuhsit leh endawnga awm thin,
Chanhai, rethei, duh loh kha.
3.Khenbehna kraws thu min hrilh rawh,
Na tuar, chauva a rumna,
A zalna thlan pawh min hrilh rawh,
A thawh lehna thute nen.
Chanchin mawi ber a hmangaihna,
Mita hmuh aiin a chiang;
Hmangaiha min tlan thu sawi la,
Ka thinlung hi titui se.
