Aw bethlehem khaw te tak te
Doh is F
1.Aw Bethlehem khaw te tak te,
Hmun khawhar i ni a;
Zan mu chhinga i reh laiin,
Chung siar an liam ṭhin;
I tuallai hmun thim ata,
Chatuan eng lo chhuakin,
Chatuan nghahfak leh zah ber chu,
I chhungah a thleng ta.
2.Mari hraichawi lo piang Krista,
An lawm van lengrualin;
Thlirin an veng, mak an ti hle,
Hringmi mut reh laiin;
An puang Nau Thianghlim pian thu,
Zing ṭian siar mawiten
“Lalpa Pathian, ropui ber se,
Leiah rem leng rawh se.”
3.A reh ngei e, zan khaw thiangah,
Thil pek hlu hlan laiin;
Van malsawmna a hlan Lalpan,
Hringfate thinlungah,
A lo kal thu sual faten,
Hre lovin, hai mah se
Thinlung tlawm tak inhawngah chuan
Krista chu a lut ṭhin.
4.Aw nang Bethlehem Nau Thianghlim
Kan hnenah cheng ang che;
Kan thinlung chhungah lo piang la,
Sual zawng hnawl bo ang che;
Thinlaia’n a lo thang e,
Zai rem thiam van leng rual
Aw lo kal la, min awmpui rawh,
Aw Lal Immanuel.
