Aw chibai buk ru kan lalber Pathian
Lettu: Pastor Thangkhuma
Doh is G
1.Aw chibai buk r’u, kan Lalber Pathian;
Fakin zai vawr r’u, A hmangaih mak ber;
Siamtu chatuana awm, min vengtu ropui,
Kan phaw leh kan himna, kulhpui nghet a ni.
2.A zahngaihna leh chakna ropui chu,
Thuin puang ula, fakin zai vawr r’u;
A thinurna erawh khawpui thawm ri ang,
Thlipui tleh leh khawdur ang mai a ni ang.
3.Min enkawlna hlu tunge chhiar seng ang?
Boruaka thlifim leh khaw eng zawng nen;
Tlang ata lui luang chhuak, daifim, ruah surin,
A chawm thin nungcha zawng, thing tin rengte nen.
4.Lei vaivut fate’n Nang chauh kan ring che;
Nihna leh nunna, zawng nangman min pe;
Tawp nei lo zahngaihna, I ngilneihna nen;
Min Siamtu min Vengtu, Tlantu leh kan Ṭhian.
