Thinlung hlimin kan fak a che
Lettu: Lalawia, Pastor Thangkhuma
Doh is G
1.Thinlung hlimin kan fak a che,
Hmangaih Pathian, ropui ber,
Pangpar anga thinlung hawngin,
Chawimawina kan hlan a che;
Lungngaih sual chhumpui chhem kiang la;
Rinhlelhna tibo ang che,
Chatuan nun hlimna petu chuan
I engin min tikhat rawh.
2.Nangma kutchhuaka hlimnain,
Lei leh van hi a khat e;
Angel zai mawiin a hual che;
Fak tlak Pathian i ni si;
Tuifawn inchhawk ri leh tlangte,
Phaizawl, ram ngaw pangpar nen,
Sirva zai mawi tinrengte chuan
I chunga lawmna min pe.
3.Engkim Petu, mal tin sawmtu,
Ngaidamtu ropui i ni;
Nun hlimna hnar chu i lo ni,
Chawlhna hmun ralmuang ber nen;
Hmangaihna thinlung thianghlim nen
I tan nun min zirtir rawh.
Pa, Fa, Thlarau chunga lawmin
Lungrualin kan leng za ang.
