Aw chibai buk ru Lalpa chu thianghlim mawina nen
Lettu: Pastor Thangkhuma
Doh is C
1.Aw chibai buk r’u Lalpa chu, thianghlim mawina nen.
A hmaah kunin a ropui puang r’u;
Thu awihna rangkachak, inngaihtlawmna rimtui nen,
Lalpa hming chu fakin ṭhingṭhi rawh u.
2.A ke bulah chuan i lungkham phurrit chu nghat la,
Khawngaihtu Lalpa chuan a chhawk ang che;
I ṭawngṭaina chhangin i lungngaih a tibo vang,
I pen tin reng ṭha takin a hruai ang.
3.Khawngaihtu hmaah inlan hi hreh hauh lo vang che.
I thil hlan chu eng tham ni lo mah se;
Hmangaihna leh takna, thinlung tlawm leh thianghlim chu,
Maichama thilhlan pawm tlak a ni e.
4.A hmaa kan inhlan hian hlauvin khur mah ila.
A ma hminga hlan chu a lo pawm ang;
Mittui tlakna zan chu lawmna zing eng mawi changin,
Rin leh beiseina nung min neihtir ang.
