MizoLyrics.Com Mizo Lyrics - A tirin lal pathianin

A tirin lal Pathianin
Phuahtu: C. Saikhuma
Doh is C

1. A tirin Lal Pathianin,

Inneihna thianghlim a din;

Mihring hlimna sangber atan.

Tun thleng hian a ni fo va,

Kan Pathian duh ang takin,

Kan unaute hi an innei.

I lawmpui ang, zai i vawr ang

Kan unaute innei hi;

I lawmpui ang, zai i vawr ang,

Lal Isua’n malsawm rawh se.

2. Lal Isua la kal lai khan,

Inneihna a lawmpui a;

A malsawmnain a vur a,

Tui uaiinah a chantir;

Pathianin a zawm tawh chu,

Mihringin then tawh suh se.

3. Kan unaute innei hian,

Hmangaihna par lo tlan se;

Fanau maltluan lo chawi dunin,

Retheih leh hausak pawhin;

An dam lai ni’ kawngtluanin,

Pathianin hruai zel rawh se.

4. Inneihna thianghlim tak hi,

Chawimawiin lo awm rawh se;

Lal Isua hming lo ropui se,

Kohhranho an lawm ngei ang;

Ropuina leh malsawmna,

Pathianin nei kumkhua se.

:

C. Saikhuma Hlate

Mizo Lyrics Available at