Ka hnenah lo kal thuai ang che
Lettu: Rev. J.H. Lorrain
Doh is E
"Ka hnenah lo kal thuai ang che,
Hrehawm tak tuar I ni;
Chawlhna tha tak ka pe ang che,"
Tiin Isuan min ko.
Hrehawm leh hah tuarin ka kal,
Lal Isua hnenah chuan;
Chawlhna leh hahdamna ka hmu,
Ka lawm em em ta e.
"Ka hnenah lo kal thuai ang che,
Tuihal tak tuar I ni;
Tihnunna tui ka pe ang che,"
Tiin Isuan min ko.
A nunnna tui ka han in a,
Ka tuihal a reh a;
Ka thlarau pawh a nung leh ta,
Ka lawm em em ta e.
"Ka hnenah lo kal thuai ang che,
Thim zinga awm I ni;
Kei, khawvel tiengtu ka ni,"
Tiin, Isuan min ko.
A sawi ang takin ka han kal,
Ka thinlung thim a bo;
Tunah a enga awm ka ni,
Ka lawm em em ta e.
