Mi tupawh tuiah leh thlarauvah
1. Mi tupawh tuiah leh Thlarauvah,
Piangthar lo chu, piang thar lo chu,
Pathian ram mi ni tlak a ni lo,
Lalpa Isuan a tih chu.
Tupawh Amah ring chuan,
Chatuan nun an nei ang;
Tupawh amah ring chuan,
Chatuan nunna, Chatuan nun an nei ang.
2. Tupawh lei lehnaa a kut nghat a,
Hnung lam hawi chu, hnung lam hawi chu,
Pathian ram mini tlak an ni lo,
Lalpa Isuan a tih chu.
3. Tupawh in leh lote kalsan a,
Min zui lo chu, min zui lo chu;
Pathian ram mi ni tlak an ni lo,
Lalpa Isuan a tih chu.
4. Tupawh nu leh pa leh unau te,
Hmangaih zawk chu, hmangaih zawk chu;
Pathian ram mi ni tlakan ni lo,
Lalpa Isuan a tih chu.
5. Tupawh ni tin mahni kros pu a,
Min zui lo chu, min zui lo chu;
Pathian ram mi ni tlak an ni lo,
Lalpa Isuan a tih chu.
6. Nitin Lalpa ka zui zel ang che,
Hrehawm mah se, hrehawm mah se;
Thlarau Thianghlim min hruai zel la,
I ram ka thlen hma loh zawng,
Tupawh Amah zui chuan,
Chatuan chawlh an chang ang,
Ropuina engah chuan chatuan hlimna.
Tawp lo chu an chang ang.
