MizoLyrics.Com Mizo Lyrics - Khawvel suala kan bo hnu

Khawvel suala kan bo hnu
Phuahtu: C. Saikhuma
Doh is C

1. Khawvel suala kan bo hnu,

Min rawn chhanchhuak leh turin;

Hmangaihna Pa Van Lal chuan,

A fa neihchhun a rawn tir,

Tirh a ni tih inhriain rinawmin kan Lalpa chuan,

A nunna inhlanin chhandamna, A siam zo ta.

Keini pawh chutiang bawkin,

A chhandamna puang turin;

Khawvel ramtina kalah min tir tih kan hria em le?

Thahnem ngaia inpein, chanchin tha i hril ang u,

Vana min hruai turin a lo kal thuai dawn si a.

2. Chhandamna changtute hian,

Vanneihna leh mawhphurhna;

Mi zawng zawng lakah kan ba,

Kan tih makmawh a ni e,

Nunna thu kan hrilh lova, suala an boral chuan aw,

An thisen mawh chu Lalpa’n, kan chungah a la ang.

3. Hun tlemte chauh a la awm,

Chanchin Ṭha hi puang turin,

Krista tel lova mualliam i lainat lo vem ni le?

Engkim zawng zawng aia tul,

Thil dang chu kalsan vekin,

Theihtawp chhuahin Chanchin

Ṭha hi puang darh zawk ang u.

4. Lalpa I hmangaihna leh,

Chanchin Ṭha hi puang turin,

I hnenah kan inhlan e,

Thlarauin min thuam ang che;

Chhandam fate vanramah,

I rawn hruai a hnai tawh si;

Chatuana nunna leh lawmman hlu chu min pe la.

:

C. Saikhuma Hlate

Mizo Lyrics Available at