Isua kohna aw chu ngai rawh
Doh is D
Isua kohna aw chu ngai rawh,
“Tunge thawk chhuak nghal ang le?
Buhte an eng an lo hmin ta,
Tunge seng turin kal dawn?
Ring takin Lalpan a ko reng,
Lawmman pek tuma nghakin;
“Lalpa, min tir ta che” tiin,
Lawm takin tunge chhang dawn?
Tuipui raltiang kai thei lovin,
Ram thim zawng chhuak lo mah la;
I kiangah thingbul, lungbul bia,
I tihen theih an awm e;
Angel anga sawi thiam lovin,
Paula el phak lo mah la;
Mi tin tan Isua thihna leh
A hmangaihna i hril thei.
Zion kulh bang sang chunga ding,
Ralvengtu ni phak lovin;
Nunna leh thlamuanna thlenin,
Van kawhhmuh thiam lo mah la;
Ṭawngṭaina leh i thilpekin,
Vanin a ngen i thawk thei;
Zawlnei ban lo chawi kan puitu
Arona ang I ni thei.
Mite thlarau bo mek laia,
Lalpan a koh lai che hian;
“Eng mah tih theih ka nei ve lo,
“Tia thu thlah mai lovin;
I theih zawng thawkin ṭang ve la,
I hna chak zawngah neiin;
“Lalpa, min tir ta che” tiin,
A kohna hi chhang thuai rawh.
