A vul hman lo ve, Lalpa,
A tawi lua, a khuavel nun;
Duh te'n aw, ka lawm hma'n e,
Ka par te'n mi lo ṭhen chu.
Ṭapin aw, ka ṭhen na a,
Angel leh serafim nen,
Lo thlir u ka nau riang te'n,
A zua run a rawn zawn chu.
Lo chawi la i ṭanglaiah,
Lo awi la i hrai riang chu;
Pialleian ka chan ta e,
Vansang Lal, i run luman.
Ngaih lai lungrun an leng khawm,
Lei nun hi hnutiang an chhawn;
Ṭah lai puan ang an bang e,
Duh te'n tuala leng zain.
An vul lai ka thlir nuam e,
An lawm lai ka tawng nuam e;
Ka ngai e i ram mawi chu,
Thlir lai aw, ka bang dawn lo.