Kian i rel si lo, lei a ngui zo ta,
Lawmna au rawlten ṭah zai an chang ṭhin,
Thihna, nang vangin.
Thihna, nang vangin,
Lawmna au rawlten ṭah zai an chang ṭhin;
Thihna, nang vangin.
Tlang tin i hrut a kawr tin dung i zui,
Lal leh a riang fa an banah kai che,
Nun i rawng ngei e.
Nun i rawng ngei e,
Lal leh ariang fa an banah kai che;
Nun i rawng ngei e.
I lal lai ni hi kawlah a liam ang,
Tlante an leng dawn lawmin i chungah;
Thihna, lo ngai rawh.
Thihna, lo ngai rawh,
Tlante an leng dawn lawmin i chungah;
Thihna, lo ngai rawh.