Eden bawhchhiatna avangin
MKHTB(2007) 322
Doh is C
Eden bawhchhiatna avangin,
Hnam ze tinreng ṭapin an rum;
Kei pawh ka ṭap thlafam ngaiin,
Ka au hmangaih kal tate chu.
Lei thuam daha van thuam tharin,
An thuam ta e, ka hrai riang te;
Lal hlimpuiin angel var nen,
Zaiin an awi Lal Nunnema.
Chen ka nuam ve chu ramah chuan,
Martarho nen Beramno leh
A lalṭhutthleng ropui hmaah,
Fakin zai tin kan rem tawh ang.
Thawhlehna ni, lo eng tawh rawh,
Kan nghakhlel e, khawpui ram hlun;
Mittui zawng zawng a hul tawh ang,
Ṭapin kan inṭhen tawh lo vang.
