MizoLyrics.Com Mizo Lyrics - Hnam ka len nuam mang e

Hnam ka len nuam mang e
Phuahtu: Laithangpuia
MKHTB(2007) 316
Doh is C

Hnam ka len nuam mang e,

Hmuh theih se doral ang hian;

Awmlai lianin hring nun par mawi,

Vul lai a thliak mai ta si a.

An hruai lui ta ngui rii-riai sakhmelin;

Nimahse, Zion an thlen chuan,

Lawm takin nunna thing parte an tlan ang.

Lungduh ka duh par mawi te,

Tawn leh ni a awm tawh lo'ng;

Thlafam lugnrawn mual an liam ta,

Van mi an chang mai ta si a.

Tlai ni tlaka kan lawi kimna run hi,

Ka lum zo lo, a ngui ruai e,

Min hnem thei lo ka lenrual lungduh pawhin.

Kei mi ngai lo nang e,

Thihna lui ral ramah khian;

Lei hnutiang chhawn ta ni mah la,

Ngaihlung kan her thei dawn nem maw!

Zion Lal nunnem ka ngaih nak laiin,

A hnenah lungduh an cheng ta;

Lung min len, ka ṭap chhun tlaini ka lenin.

Aw, ka zantlai tawnmang

Lo ni se, thlafam ngaih chu;

Bawar lungfingten min tho se,

Zing engah ṭhang mai teh ila.

Kim lai chhungkhat kan awm ngai te khanin,

Laikhumah lo zal hmun ila;

Lawm takin hmangaihte'n ka chul leh ang e.

:

Laithangpuia Hlate

Mizo Lyrics Available at