Leng leng ila thangvan sangah,
Chhum leh romeite khumin;
Han deng ila kumtluang run nuam,
Salem thar khawpui chul lo.
A sumtual zawl rangka dar tui,
A luang laia zuang ṭumin,
Khua chuan nang e, tukram hring nghial,
Aw, hmangaihna eng ruaiah.
Ka ngai ngei e, kumtluang run nuam,
Angel leh ka zua awmna;
Aw, par tin thang an vul chiai a }
Nunna tui a luang del del. }2
Chu ram mawiah han lengte zawng,
Khuavel nun hnutiang chhawnin,
An zua Chung Pathian run an lum,
An luaithli a far ngai lo.
Fiara tui ang an thiang kim ngei,
An sakhmel a vul reng e;
Chung turni a sa an tuar lo,
Duhten tualah an leng za.
Tin, khuareiah lungduhte nen,
Chu hmun nuama zai remin,
Bel nang siamtu Laldang sirah,
Kan awi dawn, a run nuamah.
Ka dawnin a ngaiin ka ṭap,
Lungduh zawngte an kimna;
An nghak rauthlaleng an kim tur,
Aw, nun thing, a zar hnuaiah.