Muanna a kim lawmna a kim
Phuahtu: R.L. Kamlala
MKHTB(2007) 277
Doh is C
Muanna a kim, lawmna a kim,
Hmangaihna eng ka Lal hmelah;
Sun lai a hnem, tuar lai a hnem,
Vakvaite tan in nuam.
A awmna hmun tin van a ni,
A ke bula chen hi a nuam;
Lungngaihna leh thim hnuaia chau,
Lawmin a chawlhtir ṭhin.
Aw, kan mi ngaih kalte ka hmu,
Hmangaihna engah chuan a lang;
Lungruala len lai reng a nuam,
'Rawn pan la aw,' min ti.
Khawvelin a hliam hnute zawng,
Puan var sinin an leng ta a,
An rumna leh hring nun a reh,
Angelte dung an thul.
Awmkhua har e, ka tak leiah,
Mahse, hmangaihna Lal zarah,
Ka rauthla lungduhte nen,
Vanah a han leng ṭhin.
Ka ngai a che, aw, lawmna ber,
I tuarnain ṭah lai a hnem;
Ka lenna ram thlaler a ni,
Ṭhen che ka zuam lul lo.
