Lungngaih mangannaten min bawm
MKHTB(2007) 264
Doh is E♭
Lungngaih mangannaten min bawm,
Thinlung ngui leh chau hi Lalpa,
I malsawmna nghakin ka awm,
Min pui rawh, aw ka Lalpa Isu.
Aw, ka ngai che, ka ngai em che,
Ka Chhandamtu leh ka Lalpa;
Min ngaidam rawh,
Ka sualna zawng zawng hi.
Ka hre zo lo min hmangaihna,
Ka thinlung sual thim aṭang hian;
Min kai harh la, aw Lal Isu,
I tan chauhva nung thei turin.
Aw, ka ngai zual ka Lal duhawm,
Min hmangaihna a va hlu em!
I kianga awm zel hi ka duh,
Min kalsan suh, aw Lal Isu.
I malsawmna ka rawn ngen e,
I thlamuanna chang ve turin;
Ka thinlung hi nangin nei la,
Min chelh tlat la, min kalsan suh.
I malsawmna ka dawnte hi,
Hre thiam thei turin min pui la;
Hun harsa leh hrehawmah pawh,
Nangin min awmpui zel ang che.
