Awmkhua a har tlang tin ka han thlir a,
Romei a kai chiai e, aw, khawtlang a bawm.
Awi za ila Lalber - kan awmkhawhar niah,
Thil nung leh thil nung lo leh an rimawite nen,
Ram tinah khat se, kan lawmna zai ri.
Harhin ka chung van khua ka han thlir a,
Aw, hlimna eng zam chiai khian ka lung min len.
Van mi leh ṭingṭang zai ri a thang vel,
Leilung a nghawr dim e, lungngaihna ram hi.
Zaipui ka nuam e, thil chi tinrengte,
Aw, va aw mawite nen, lei khawharah hian.
Haw r'u, i zai ang u, kan Lal hmaah,
Aw, a hmangaih ropui zaiin i chawi ang.