Ngai ru moneitu au aw chu
MKHTB(2007) 84
Doh is E♭
Ngai r'u, Moneitu au aw chu,
A lo thang mek chhum zingah khian;
Tlanten an lawm hla nen hmuak se,
'Hosana,' tia au rualin.
'Ka lo kal thuai dawn e,'
Tiin Lalpan hnam tin a hrilh;
Lo inpeih r'u, hnam ze tinrengte u,
A lo kal ni tur a hnai ta.
Aw chatuan khua, lo var tawh la,
Tlanten an ning tawh e - lei hi;
I ram ropui varparh arsi
Nen lo leng la aw Lal Isu.
Aw chatuan khua, lo var tawh la,
Tlante an riang a rei lua e;
Chhingmit luaithli hulna ram nuam,
Lo inhawng rawh, Salem khawpui.
Thim leh varin min tuam chhungin,
Lawmna kim reng ka nei thei lo;
Aw, lawmna Lalpa, lo kal la,
I ram par lili min thliah rawh.
'Aw, chatuan tlang chhip aṭang khian,
Ka lo kal leh ngei dawn,' a ti;
Tlanten an lawm hla nen hmuak se,
'Hosana,' tia au rualin.
