Ka thla thlawk la thuro angin
Lettu: Upa Kapliana
Doh is C
Ka thla, thlawk la, ṭhuro angin,
I tlan chhuahna ram va fang teh;
Khawpui daiah i Tlantu sualnain a sawr a,
A in tur no kha chuan thisen thlanah a fartir;
Hmangaih thungna puan nemin,
A thlansa chu va hru rawh.
Tun thlengin hmangaihna Lal chu,
A hmangaihna haidertuten,
An rum nawntir fo ṭhin a ni;
I rum thawm lo thang nawn leh se,
An tan i thlaphanna hnam tinin an hriat theih nan.
"Ka fa, ka tuarna ngainep suh,
Ngainep lul suh, a na em e;
Ka thisen far thinrengte, tihdamna hriak a ni,
Chatuan lawmna van in khi ka thisenin ka hawng;
Thlarau vakvai, lut mai rawh,"
Tiin Lalpan a sawi ṭhin.
En teh, khawpui chhung mipui saw,
Eng vangin nge an pun khawm hlawm?
Chhantu nei lo Beramno hmelmaten an hual a,
Tihelna lal puan leh tiang, kraun hling an phiar khumin,
Kalvari a pan mek e.
Khaw nge i lallukhum leh
Van thuneihnan lalṭhutthleng kha?
tunah hling phiar kraun i khum tak?
"Ka ropuina ka van in khi,
Ka ngai nang hmangaihna a zual;
Min fak ṭhin angelhoten, i sualnain a khar."
Sual bukna kraws a nghah hnuah
A chungah thirin an chawlhtir;
A lu nghahna hmuh chhun, thing anchhe dawng chung a ni,
Ni thimin, lir nghing se, lungpuite khi char rawh se;
Sual kalpuitu tha zam chu,
A chat ta a lu a kun.
Thlir teh, Pa leh vanho thinlung,
Hnehna lawmin tuarna an sun;
Kei pawh ka thlirin ka biangah,
Lawmin hmangaih mittui a luang;
Tunah i retheihna min han thlirtir leh ang che.
