Lal pian ni kawla liam hnu
Phuahtu: Saidailova
Doh is E♭
Lal pian ni kawla liam hnu,
A lo eng leh ta;
Bethlehem tlang ngaih chul hnu,
Par angin a vul leh;
Thangvan arsi engin min hruai se,
Bethlehem dai kawmah chuan,
A ngur pianglawm turin.
Krismas ni ka tawn changin,
Bethlehem ka ngai;
Hmuh ka nuam chhingkhual runah
Van Lal Fa lo piang chu;
A lawmtu thangvan angel zai ri,
Ka thinlaiah a cham e,
Nghilh ni a awm dawn lo.
Aw nang, Bethlehem khawpui,
Aw, i mawi chuang e;
I sakhming hi van hnuaiah,
Aw, a chul thei dawn lo;
I chhungah van Lal fa a lo piang,
Chun riang Mari'n a chawi e,
Imanuela chu.
Imanuela lo piang chu,
Zaiin i awi ang;
Lei leh vn Lalber a ni,
I chawimawi chiam ang u;
Kan Chhandamtu, Lal a lo piang ta,
A fak hla hi thang chhuak se;
Haleluia! Amen.
