Vawiinah lal davida khua
Phuahtu: R.L. Kamlala
Doh is C
Vawiinah Lal Davida khua,
Bethlehem daiah chuan;
Kan Chhandamtu chu a piang ta,
Imanuela kha.
Ni lawmawm chu a lo chhuak ta,
Lawmin i au vang u!
Zawlnei zawng zawngten an thlir kha,
Tunah keinin kan hmu.
Zanah berampute hnenah,
"Chhandamtu a piang ta,"
Tiin angel an lo au va,
Van hla ropui an sa.
Van arsi eng ropui tak chuan,
Chhak lama mi fingte,
A hruai a pianna hmun thleng chuan,
Chutin an ro an pe.
Aw Thlarau Thianghlim, kan zingah,
Tunah lo ding ve la;
Lo eng zel ang che kan hmaah,
Min hruai rawh a hmunah.
Aw, a va mak em, van Lal fa,
Bawng inah a lo piang;
Tu'n nge ka Lal rawn ti ang le?
Lungngai riangvai faten.
Kawla ni lo chhuak saw en teh,
Leilung a rawn en e;
Chuti-angin kan tan a eng,
Lo eng zual zel rawh se.
A hria apiang chu lo kalin,
Van Lal fa lawm rawh u;
In ro bawm zawng zawng rawn kengin,
A hmaah hawng rawh u.
