Lei hrehawm lungngaihna zawng zawng
MKHTB(1936) 184
Lei hrehawm lungngaihna zawng zawng,
Pela ka chhuahsan ve hunin;
Ka ngai lovang, - hnutiang sulhnu,
Buaina chhumpui zing hmun hi.
Aw ka ngai e, ram nuam chu,
Kraws zara ka thlen hun chuan;
Lawmna kim leh ka Lal Krista,
Ka hmu ang - thlante zawng nen.
I thlir ang, Zion, ka ram tur,
Aw thlalera ka len lai hian;
Chutah nang leh kei pawh min sawm,
Kalvari zar zo turin.
Ka ngai chuang em che, Lal nunnem,
Min awm reng la, ka tlei nang e;
I tel lo chuan kei zawng Lalpa,
Tlai ni len ka zuam love.
Aw ka lawm lai ni, eng zel rawh,
Ka ṭahna ram ka pelh hma chuan;
Kalvari lawmna par mawi chu,
Ka hmaah lo vul leh rawh.
