Mangan buaina doral a lian e
MKHTB(1936) 182
Mangan, buaina, doral a lian e,
Lungngaih ni hian aw, i eng var chhuak se;
Ral a lian e, Setan ral a lian e,
Min veng ang che, i ram chan lovin.
Min kalsan suh, ka Lal Imanuel,
Nang ka ngai ber che, khawvelah hian;
Buaina ral chu lo lian mah se,
Ka himna Ralven-buk, Kulhpui i ni.
Aw Chhandamtu, thlemna ral lian chuan,
Ka pe ang che aw, Gosen ram nuam a ti;
Ka kal ngam lo, mi sual an hrem hmun chu,
I ram ralmuang Kanan ram lo chu.
Lawmna Pialralah chuan leng mah la,
Ka au zel ang che, Chhandamtu - hmel duhawm;
A lo lian e, I ram dotu - sual ral,
Ka tan kalna a dal, Nang hneh rawh.
I eng zam vel, lalna ram nuamah,
Ral a awm lo maw? Ka lungngai tawh lovang;
Hmuh ka nuam e, min hruai kai ve ang che,
Angel var leh mi thianghlim lenna.
