Ral a lian e khawvelah hian
MKHTB(1936) 175
Ral a lian e, khawvelah hian,
Setana ral ni tin a lo lian zual leh ṭhin;
I Thlarauva min thuam loh chuan,
I hming mawi hi Lalpa ka ṭan ngam lovang e.
Hmana zirtirte i thuam ang khan,
I Thlarauvin min thuam langin;
Rinin i hmel mawi min hmuhtir la,
Lawmin i hming kan fak leh ang.
Kalvari tlang chungah Lalpa'n,
Kan sual vangin lungngaih hrehawm tinreng a tuar;
A lungngaihna nghilh rual loh chu,
Sual vangin aw, a lungngaihna kan nghilh zo ta.
Min ngaidam la, Aw Lal Isu,
Ka tan i lungngaihna haider tawh mah ila;
Nang chauh ka hmangaitu i ni,
Ka ngai em che, Lalpa i hmel min hmuhtir rawh.
I ram tungding turin Lalpa,
I tlansate sual bawi ata hruai chhuak turin;
Sual ral liante do leh turin,
Ka za zel ṭhin, Imanuel, hma hruai leh rawh.
